Ўзбекистонда 1 октябрдан бошлаб алкоголли ичимликлар (пиводан ташқари) минимал улгуржи ва чакана нархлари оширилади. Молия вазирлиги ва Давлат солиқ қўмитасининг 29 сентябрдаги қўшма қарори билан янги нархлар тасдиқланди, дея хабар қилди Молия вазирлиги.
Натижада, ишлаб чиқарувчи томонидан улгуржи базаларга сотиладиган ярим литр ароқ нархи 12 000 сўмдан кам бўлмаслиги белгиланди (1 октябргача 11 000 сўм), чакана савдодаги (дўкон расталарида) нархи 14 250 сўмдан кам бўлмаслиги белгиланди (илгари 13000 сўмдан).
Ярим литр коньяк учун энг кам улгуржи-сотиш нархи 1 000 сўмга ошди ва 1 октябрдан 16 500 сўмни ташкил этади (илгари 15 500 сўм). Дўконларда сотишда, ярим литр коньякнинг энг кам чакана нархи 19 500 сўм қилиб белгиланди (илгари 18 300 сўм эди).
Изоҳ (0)