«Манчестер Сити» матбуот хизмати «Бенфика»дан 68 миллион еврога сотиб олинган 23 ёшли ҳимоячи Рубен Диашни таништираётиб, кулгили хатога йўл қўйди, дея хабар беради Goal.
Таъкидланишича, жамоанинг янги аъзоси Рубен Диашга бағишланган мақолада «Манчестер Сити» ўз мухлисларидан Калиду Кулибалига саволлар беришни илтимос қилган. «Калиду Кулибалига саволлар»дан ташқари, сенегаллик ҳимоячининг «Наполи»даги футболкасини сотиб олиш ҳам таклиф қилинди. Бироқ ижтимоий тармоқ фойдаланувчиларининг бир қанча эътирозларидан сўнг иккала хато ҳам тезда тузатилди.
Қайд этиш жоиз, «шаҳарликлар» узоқ вақтдан бери «Наполи» ҳимоячиси Калиду Кулибали трансферида ишлаётганди. Бироқ италян клуби футболчисини 75–80 миллион евродан камига қўйиб юборишни хоҳламади. Шу боисдан «Бенфика»дан Рубен Диаш харид қилинди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)