Сурхондарё вилояти Термиз шаҳрида пост-патруль хизмати ходими кўчага ташлаб кетилган янги туғилган чақалоқ (қиз)ни топиб олди. Бу ҳақида «Замон» дастурида хабар берилди.
Маълум бўлишича, чақалоқ 27 сентябрь куни Термиз шаҳридаги 12-Меҳрибонлик уйининг дарвозаси тагига ташлаб кетилган. Шу ҳудуддаги ички ишлар ходими эрталаб соат 06:00 ларда дарвоза тагидаги қопдан чақалоқни топиб олади ва дарҳол тез тиббий ёрдамга хабар беради.
Шундан сўнг тез ёрдам ходимлари келиб, чақалоқни вилоят перинатал марказига олиб кетган. Ҳозирда унинг аҳволи яхши экани айтилмоқда.
Пост-патруль хизмати ходимининг сўзларига кўра, ҳозирча чақалоқни ким ташлаб кетгани маълум эмас.
«Чақалоқни ким ташлаб кетгани бўйича жиноят иши қўзғатилиб, ҳозирда тергов ҳаракатлари олиб борилмоқда», – дейди ППХ ходими Сарвар Қурбонов.
Мавзуга доир:
- Ўзбекистонда 2020 йилнинг ўтган саккиз ойида қанча чақалоқ туғилгани маълум бўлди
- Тошкентда 3 ойлик чақалоқни 5 минг долларга сотмоқчи бўлган шахслар ушланди
- Самарқандлик онага ўғилли бўлгани айтилиб, қўлига қизалоқ тутқазилди. Она гумонда, шифокор ва ҳамширалар эса англашилмовчилик бўлган дейишмоқда
Изоҳ (0)