«Реал» Испания чемпионатининг 3-тури доирасида ўтказилган ўйинда «Бетис»ни мағлуб этди.
Фото: Twitter
Ла Лиганинг Twitter’даги саҳифасида ёзилишича, Зинедин Зидан Мадрид клуби бошқарувида мусобақадаги 100-ғалабасини қўлга киритган.
Ушбу кўрсаткичга эришиш учун франциялик мутахассисга 147 учрашув керак бўлди.
«Реал» 2 ўйин ўтказган ҳолда 4 очко билан мусобақа жадвалида 5-ўринда бормоқда.
Маълумот учун, Зидан «қироллик клуби»ни 2016 йилдан (орада бир йил танаффус билан) бери бошқариб келади. Мадрид клуби унинг қўл остида кетма-кет уч бор Чемпионлар Лигаси бош совринига эга чиққан, шунингдек, жамоа Ла Лигада ҳам икки бор ғолиб бўлган.
