Украинанинг Харьков вилоятида Ан-26 самолёти фалокатга учраши оқибатида 25 киши ҳалок бўлди ва яна 2 киши оғир жароҳат олган. Бу ҳақда мамлакат Бош прокуратурасига таяниб, «РИА Новости» хабар берди.
Маълум қилинишича, самолёт бортида 27 киши бўлган: Харьков Ҳаво кучлари миллий университети курсантлари ва экипаж аъзолари. Дастлабки маълумотларга кўра, борт фалокатдан аввал чап двигатель ишдан чиққани тўғрисида хабар берган.
Омон қолганлар самолёт қулашидан олдин сакраб қолишга улгурган.
Украина президентининг офиси мазкур фожиа нима сабабдан юзага келганини аниқлаш учун давлат комиссияси тузилишини билдирган.
Таъкидланишича, 26 сентябрь Харьков вилоятида ҳалок бўлганлар хотирасида Мотам куни деб эълон қилинган.
«Ҳозирда воқеа жойида ҳарбий прокуратура ходимлари ва Давлат тергов бюроси терговчилари ишламоқда», — дейилади Бош прокуратура хабарида.
Изоҳ (0)