Россияда сўнгги суткада 7212 кишида коронавирус аниқланди, деб хабар бермоқда Meduza коронавирус инфекциясига қарши кураш бўйича тезкор штабга таяниб. Бу 28 июндан буён кузатилган энг юқори кўрсаткич. Шу куни 7658 кишида коронавирус аниқланган.
Россияда касалланишлар сони ортиб бормоқда. 23 сентябрь куни 6431 кишида, 24 сентябрда эса 6595 кишида COVID-19’ қайд этилганди.
Сўнгги суткада энг кўп касалланиш ҳолати Москва шаҳрида қайд этилган — 1560 киши. Бу бир кун аввалги кўрсаткичдан 510 нафарга кўп. Москва ҳукумати кексаларни уйда қолишга, иш берувчиларни эса ходимларини масофадан ишлашга ўтказишга чақирган. Шунингдек, Санкт-Петербург (224), Москва (208 киши) ва Ростов (187) вилоятлари ҳам касаллик тарқалиши бўйича етакчилик қилмоқда. Шу вақт давомида мамлакатда 108 киши COVID-19’дан вафот этган, 4317 нафари соғайган.
Мавзуга доир: Санкт-Петербург расмийлари тез ёрдам машиналарининг касалхона қаршисида тўпланиб қолишини «пандемия белгиси» деб атади
Мамлакатда коронавирусни аниқлаш бўйича сўнгги суткада 374 мингта, умумий ҳисобда эса 44,3 миллионта тест ўтказилган.
Изоҳ (0)