Европа Лигасининг 3-саралаш босқичидан ўрин олган 24 сентябрь кунги бир қатор ўйинлар якунланди.
Лондоннинг «Тоттенҳэм» жамоаси Македонияга сафар қилиб, «Шкендия-79»га қарши баҳс юритди. Учрашув дебютидаёқ меҳмонлар Эрик Ламеланинг голидан кейин ҳисобда олдинга ўтиб олди. Бунга майдон эгалари иккинчи бўлимнинг 5-дақиқасида жавоб қайтарди.
Иккинчи бўлимнинг иккинчи ярмида Сон Ҳён Мин ва Ҳарри Кейн ўйин тақдирини ҳал қилган голларга муаллифлик қилди.
Шу тариқа «Тоттенҳэм» кейинги босқичга йўл олди ва у ерда «Ростов»ни мусобақадан чиқариб юборган «Маккаби Ҳайфа»га қарши баҳс олиб боради.
«Милан» ўз уйида Норвегиянинг «Буде-Глимт» жамоасини қабул қилди. Учрашувнинг 15-дақиқасида меҳмонлар ҳисобни очишга эришди, бунга миланликлар бир дақиқа ўтиб Ҳоқон Чалхонўғлунинг киритган тўпи билан жавоб қайтарди.
32-дақиқада Лоренцо Коломбо миланликларнинг иккинчи голини урган бўлса, иккинчи бўлим дебютида Чалхонўғлу дублини нишонлади ва жамоасининг ғалабасини таъминлади.
Европа Лигаси
3-саралаш босқичи
24 сентябрь, пайшанба
«Шкендия-79» Македония — «Тоттенҳэм» Англия 1:3
Голлар: 0:1 – 5 Ламела, 1:1 – 55 Нафиу, 1:2 – 70 Сон Ҳён Мин, 1:3 – 79 Кейн.«Шкендия-79»: Захов, Мурати, Бейтулаи, Кривак, Дориев (Мержани, 85), Тотре, Павич, Аҳмеди, Дита (Зейнулаи, 77), Нафиу (Рамадани, 85), Ибраими.
«Тоттенҳэм»: Ҳарт, Дэвис, Алдервейрелд, Санчес, Орье, Ламела, Уинкс (Ло Чельсо, 59), Бергвейн (Лукас Моура, 66), Алли (Кейн, 60), Сон Ҳён Мин, Ндомбеле.
Огоҳлантиришлар: Уинкс (36), Бейтулаи (39).
«Милан» Италия — «Буде-Глимт» Норвегия 3:2
Голлар: 0:1 – 15 Юнкер, 1:1 – 16 Чалхонўғлу, 2:1 – 32 Коломбо, 3:1 – 50 Чалхонўғлу, 3:2 – 55 Хеуге.«Милан»: Доннарумма, Тео, Кер, Калабрия, Габбия, Беннасер (Тонали, 80), Салемакерс, Кессиэ, Чалхонўғлу, Кастильехо (Крунич, 65), Коломбо (Мальдини, 58).
«Буде-Глимт»: Ҳайкин, Лоде, Беркан, Моэ, Сампстед (Солбаккен, 83), Салтнес, Берг, Фет (Конрадсен, 65), Юнкер (Бонифасе, 90), Цинкэрнагел, Хеуге.
Огоҳлантириш: Конрадсен (69).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)