«Барселона» ҳужумчиси Луис Суарес фаолиятини «Атлетико»да давом эттиради. Бу ҳақда мадридликлар клуби матбуот хизмати маълум қилди.
Уругвайлик футболчи «Атлетико» тиббий кўригидан муваффақиятли ўтгач, Мадрид клуби билан шартнома имзолайди.
Келишувга кўра, мадридликлар айрим кўрсаткичлар қайд этилган тақдирда Суарес учун 6 миллион еврога қадар бонус пулларини тўлаши мумкин. Айрим хабарларга кўра, «Атлетико» Чемпионлар Лигаси чорак финалига чиққан мавсуми учун 2 миллион евро тўлаб беради.
Суарес 2014 йилдан буён «Барселона»да тўп суриб келарди. У каталон клубида умумий миқдорда 283 та ўйин ўтказиб, 198 та голга муаллифлик қилди. 2019/20 йилги мавсумда ҳужумчи клуб миқёсида 36 ўйин ўтказиб, 21 гол урди ва 10 та голли амалга оширди.
Эслатиб ўтамиз, «Барселона»ни 2020 йилги ёзги трансферлар вақтида Иван Ракитич, Артуро Видаль ва Нелсон Семеду тарк этганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)