Самарқанд шаҳрида икки Nexia русумли автомобиллар ўртасида йўл-транспорт ҳодисаси содир бўлди, дея хабар беради ЙҲХББ.
Кадр: Telegram / ЙҲХББ
Маълум қилинишича, 2020 йил 6 сентябрь куни Самарқанд шаҳар ҳудудидан ўтувчи М-37А йўлининг 36-километрида 22 ёшли йигит отасига тегишли бўлган Nexia автомашинаси билан «Кафтарча» маҳалласи томон ҳаракатланаётган вақтида ушбу йўлдан қарама-қарши томонга қайрилиб олаётган 31 ёшли ҳайдовчи бошқарувида бўлган Nexia русумли автомашинанинг чап томонига келиб, олд қисми билан урилган.
Содир бўлган ЙТҲ натижасида қайрилаётган Nexia автомашинасининг салонида бўлган 48 ва 21 ёшли йўловчи ҳамда ҳар иккала ҳайдовчи шифохонага ётқизилган.
Кадр: Telegram / ЙҲХББ
Кўрсатилган тиббий ёрдам муолажаларига қарамасдан, оғир тан жароҳати олган 48 ёшли йўловчи шифохонада вафот этган.
