Ўзбекистонлик MMA жангчиси Зарруҳ Адашев ноябрь ойида UFC’даги ўзининг иккинчи жангини ўтказадиган бўлди.
Адашев 14 ноябрь куни UFC Fight Night мусобақаси доирасида америкалик Жефф Молинага қарши жанг қилади. Жеффнинг MMA’даги статистикаси эса қуйидагича: 8 та ғалаба, 2 та мағлубият. Жанг Лас-Вегас (АҚШ, Невада штати) шаҳрида бўлиб ўтиши режалаштирилган.
Эслатиб ўтамиз, 2020 йил июнь ойида UFC билан шартнома имзолаган Зарруҳ Адашев промоушен байроғи остидаги илк жангида Тайсон Немга қарши октагонга чиқиб, биринчи раунднинг 32-сониясида нокаутга учраганди.
Маълумот учун, Зарруҳ UFC’га қадар Bellator промоушени байроғи остидаги мусобақаларда қатнашган. MMA’даги натижаси эса Тайсон Немга қадар шундай эди: 4 та жанг, 3 та ғалаба ва 1 та мағлубият. Самарқандлик 27 ёшли спортчи MMA’га қадар кикбоксинг билан профессионал тарзда шуғулланган.
Мавзуга доир:
Изоҳ (0)