O‘zbekistonlik MMA jangchisi Zarruh Adashev noyabr oyida UFC’dagi o‘zining ikkinchi jangini o‘tkazadigan bo‘ldi.
Adashev 14-noyabr kuni UFC Fight Night musobaqasi doirasida amerikalik Jeff Molinaga qarshi jang qiladi. Jeffning MMA’dagi statistikasi esa quyidagicha: 8 ta g‘alaba, 2 ta mag‘lubiyat. Jang Las-Vegas (AQSh, Nevada shtati) shahrida bo‘lib o‘tishi rejalashtirilgan.
Eslatib o‘tamiz, 2020-yil iyun oyida UFC bilan shartnoma imzolagan Zarruh Adashev promoushen bayrog‘i ostidagi ilk jangida Tayson Nemga qarshi oktagonga chiqib, birinchi raundning 32-soniyasida nokautga uchragandi.
Ma’lumot uchun, Zarruh UFC’ga qadar Bellator promousheni bayrog‘i ostidagi musobaqalarda qatnashgan. MMA’dagi natijasi esa Tayson Nemga qadar shunday edi: 4 ta jang, 3 ta g‘alaba va 1 ta mag‘lubiyat. Samarqandlik 27 yoshli sportchi MMA’ga qadar kikboksing bilan professional tarzda shug‘ullangan.
Mavzuga doir:
Izoh (0)