Республика махсус комиссияси ва Коронавирусга қарши кураш штаби аъзоси Нурмат Отабеков мактабларда ўқув жараёнининг бошланиши муносабати билан ҳозирги бугунги кунда 60 мингдан кўпроқ аҳоли COVID-19’га текширилаётгани, лаборатория таҳлиллари ўтказилаётганини билдирди.
Мавзуга доир: Ўзбекистонда юзлаб ўқитувчиларда коронавирус аниқланмоқда. Лекин ССВ барча ҳолатларни ҳам расмий статистикага киритмаяпти
Энди, туманлар Ўзбекистонда жуда кўп. Биз фуқароларимиздан саволларни аниқ, манзилли тарзда, қайси туманда, қайси шаҳар, қайси муассасага бориб мурожаат қилганликлари ҳақида аниқлик киритиб беришни сўрар эдик. Хабарингиз бор, ҳозир мактаблар очилиши, ўқитувчилар фаолияти бошланиши муносабати билан бир кунда 60 мингдан кўпроқ лаборатория текширувлари ўтказиляпти. Демак, бу саволлар аниқ бўлса, биз айнан ўша ҳудуд СЭОМлари билан боғланган ҳолда сабабини суриштириш имкониятига эга бўлар эдик.Эслатиб ўтамиз, бундан бир ҳафта аввал, 7 сентябрь куни Коронавирусга қарши кураш штабининг яна бир аъзоси Рустам Икромов кунига 30 мингдан 40 мингтагача лаборатория тест таҳлили ўтказилаётгани, шундан 200-300 тагача ҳолатда мусбат натижа аниқланаётганини билдирган эди. Отабековнинг келтирган маълумоти асосида ҳозирги пайтда ушбу кунлик кўрсаткич 20 мингтага ортганини кўриш мумкин.Нурмат Отабеков, Республика махсус комиссияси ва Коронавирусга қарши кураш штаби аъзоси
Айтиш керак, Ўзбекистонда пандемия шароитида ўқитувчи ва ўқувчиларнинг соғлиғини ҳимоя қилиш мақсадида мактаб ўқитувчиларидан оммавий равишда COVID-19’га тест олинмоқда. Шу вақтгача Пайариқда 60 нафар, Самарқанд вилоятининг Жомбой туманида 40 нафар, Андижон, Жиззах ва Самарқанд вилоятларидаги ўнлаб, Бухоро вилоятида 239 нафар, Қашқадарёда 855 нафар ўқитувчиларда коронавирус аниқлангани ҳақида хабар берилди.
Мавзуга доир:
- Ўқувчи ёки ўқитувчида COVID-19 қайд этилса нима қилиш керак? Мутахассис жавоб берди
- Қашқадарёда 855 нафар мактаб ходимида коронавирус аниқланди
- Ўзбекистонда юзлаб ўқитувчиларда коронавирус аниқланмоқда. Лекин ССВ барча ҳолатларни ҳам расмий статистикага киритмаяпти
- Бухоро ҳокими ўринбосари халқ таълими масъулининг 239 нафар мактаб ходими коронавирусга чалингани ҳақидаги хабарини рад этди
Изоҳ (0)