Respublika maxsus komissiyasi va Koronavirusga qarshi kurash shtabi a’zosi Nurmat Otabekov maktablarda o‘quv jarayonining boshlanishi munosabati bilan hozirgi bugungi kunda 60 mingdan ko‘proq aholi COVID-19’ga tekshirilayotgani, laboratoriya tahlillari o‘tkazilayotganini bildirdi.
Mutaxassis buni tumanlarda test yetarli emasligi, aholi vakillariga test yo‘q, deb qaytarib yuborilayotgani haqidagi savolga aniqlik kiritish davomida bildirgan.Endi, tumanlar O‘zbekistonda juda ko‘p. Biz fuqarolarimizdan savollarni aniq, manzilli tarzda, qaysi tumanda, qaysi shahar, qaysi muassasaga borib murojaat qilganliklari haqida aniqlik kiritib berishni so‘rar edik. Xabaringiz bor, hozir maktablar ochilishi, o‘qituvchilar faoliyati boshlanishi munosabati bilan bir kunda 60 mingdan ko‘proq laboratoriya tekshiruvlari o‘tkazilyapti. Demak, bu savollar aniq bo‘lsa, biz aynan o‘sha hudud SEOMlari bilan bog‘langan holda sababini surishtirish imkoniyatiga ega bo‘lar edik.Eslatib o‘tamiz, bundan bir hafta avval, 7-sentabr kuni Koronavirusga qarshi kurash shtabining yana bir a’zosi Rustam Ikromov kuniga 30 mingdan 40 mingtagacha laboratoriya test tahlili o‘tkazilayotgani, shundan 200-300 tagacha holatda musbat natija aniqlanayotganini bildirgan edi. Otabekovning keltirgan ma’lumoti asosida hozirgi paytda ushbu kunlik ko‘rsatkich 20 mingtaga ortganini ko‘rish mumkin.Nurmat Otabekov, Respublika maxsus komissiyasi va Koronavirusga qarshi kurash shtabi a’zosi
Aytish kerak, O‘zbekistonda pandemiya sharoitida o‘qituvchi va o‘quvchilarning sog‘lig‘ini himoya qilish maqsadida maktab o‘qituvchilaridan ommaviy ravishda COVID-19’ga test olinmoqda. Shu vaqtgacha Payariqda 60 nafar, Samarqand viloyatining Jomboy tumanida 40 nafar, Andijon, Jizzax va Samarqand viloyatlaridagi o‘nlab, Buxoro viloyatida 239 nafar, Qashqadaryoda 855 nafar o‘qituvchilarda koronavirus aniqlangani haqida xabar berildi.
Mavzuga doir:
- O‘quvchi yoki o‘qituvchida COVID-19 qayd etilsa nima qilish kerak? Mutaxassis javob berdi
- Qashqadaryoda 855 nafar maktab xodimida koronavirus aniqlandi
- O‘zbekistonda yuzlab o‘qituvchilarda koronavirus aniqlanmoqda. Lekin SSV barcha holatlarni ham rasmiy statistikaga kiritmayapti
- Buxoro hokimi o‘rinbosari xalq ta’limi mas’ulining 239 nafar maktab xodimi koronavirusga chalingani haqidagi xabarini rad etdi
Izoh (0)