Анъанага кўра инфаркт ёки юрак хуружи «эркак»ларнинг касаллиги бўлишига қарамай, аёллар ҳам бунга тез-тез дуч келади. Бундан ташқари, аёлларда юрак хуружи эркакларникидан фарқ қилади. Шунинг учун ҳам уларга кечроқ ташхис қўйилади. Баъзида шифокорлар яқинлашиб келаётган инфаркт аломатини токи у юз бермагунча билмайди. Айниқса, аёлларда кўкрак қафасидаги оғриқ энг кенг тарқалган аломатлар сирасига кирмайди. Маълумотларга кўра, инфарктга учраган аёлларнинг учдан икки қисми буни олдиндан сезмаган. Демак, аёлларда инфаркт қандай касалликлар ортига яширинган бўлиши мумкинлигини билиб олиш керак.
Тиш оғриғи
Инфаркт пайтида оғриқ асосан, чап қўл, орқа бўйин ва кўпинча жағда пайдо бўлади. Нафас қисилиши, бош айланиши ва кўкрак қафасдаги ноқулайлик аломатлари орқали тиш эмас, юрак билан боғлиқ касаллик эканини сезиш мумкин. Агар юқоридаги аломатларнинг биттаси бўлса ҳам жағ ва тиш оғриғига қўшилса, дарҳол шифокорни чақириш керак, эҳтимол бу хавфли бўлиши мумкин.
Гастрит
Жиғилдон қайнаши, кўнгил айниши, қизилўнгачнинг қизиши – ушбу аломатлар ниманинг белгиси? Албатта, кўпинча гастрит ёки овқатдан заҳарланиш ҳақида гумон қилинади. Аммо бу, умуман, бошқа касаллик, инфарктнинг бошланиши ва аломатлар эса касалликнинг юз беришига оз вақт қолганидан дарак беради. Шундай ҳолларда, нафас сиқилиши, кўкрак қафаси, бел ва қўлда ҳам оғриқлар пайдо бўлса, бунга бепарво бўлиш керак эмас. Шифокор ташхиси барчасига аниқлик киритади.
Сурункали чарчоқ
Агар доимо дам олиш истаги пайдо бўлса, кундалик юмушларни бажариб бўлмайдиган ҳол кузатилса, айниқса, буларнинг барчаси тўсатдан юз берса, дарҳол юрак шифокори билан боғланиш керак. Эҳтимол юракка қон ва кислород етарли миқдорда бормаётган бўлиши мумкин. Бу орқали тана барча эркин оқимларни ўз йўналиши бўйича ҳайдайди, ҳужайралар эса етарли даражада озиқланмайди ва инсонда сурункали чарчоқ пайдо бўлади. Инфаркт олди аломатлари сезилмаса ҳам, ғайритабиий чарчоқни ҳис қилиш, албатта, шифокорга мурожаат қилишдан дарак беради.
Менопауза
Кўнгил айниши ва доимий терлаш – яширин инфарктнинг яна бир кўриниши. Агар 50 ёшдан ўтган беморларда шундай ҳол кузатилса, табиийки, улар буни менопауза деб гумон қилади. Айниқса, аёлларда кучли терлаш ва кўнгилнинг беҳузур бўлиши инфарктнинг ўзига хос белгиларидан биридир. Аёлларда бу белги эркакларга нисбатан кўпроқ учрайди. Агар бу ҳолат бир неча кун ичида тўхтамаса, шифокор кўригидан ўтган маъқул.
Ҳомиладорлик
Кўнгил айниши ва бош айланиши, шунингдек, ҳолсизлик ҳам ҳомиладорликнинг белгиларидан биридир. Шунингдек, бу ҳолат аёлларда ҳайз жараёнида ҳам кузатилади. Лекин ҳомилдорликдан гумон бўлмаса ва циклда ҳам бу кабилар одатга айланмаган бўлса, шошилинч равишда шифокорга мурожаат қилиш зарур. Сабаби бу инсон ҳаёти учун хавфли саналган инфаркт аломати бўлиши мумкин.
Изоҳ (0)