Тошкентдаги 110-умумий ўрта таълим мактабининг капитал ва қайта таъмирлаш ишлари якунига етказилди. Мазкур ишлар таниқли тадбиркор, ўзбекистонлик миллиардер Алишер Усмонов ажратган хайрия маблағлари ҳисобига амалга оширилган, дея хабар берди «Podrobno.uz».
Хабарга кўра, мактабни таъмирлашда замонавий технологиялар ва қурилиш материаллари ишлатилган. Таълим муассасасига кираверишда дақиқасига 40 нафар одамни киритиш қувватига эга сенсорли турникетлар ўрнатилган. Бу орқали коронавирус пандемияси даврида ўқувчилар хавфсизлигини таъминлай олиш мумкинлиги қайд этилган.
Шунингдек, ўқувчилар ва устозлар учун барча шароитлар яратилган. Мактабда болаларни илм-фанга қизиқтира оладиган хилма-хиллик ва ўзгача муҳит яратилган.
2019 йил июнь ойида Алишер Усмоновнинг ўзи бир вақтлар таҳсил олган Тошкентдаги 110-мактабга ҳомийлик қилаётгани хабар қилинган. Кейинчалик Тошкентнинг Миробод туманидаги 2-сон Болалар ва ўсмирлар спорт мактабига қарашли бассейн ёпилаётгани ҳақида спортчи болалар, ота-оналар ва мураббийлар Алишер Усмоновга мурожаат йўллаганди.
Изоҳ (0)