«Барселона» ҳужумчиси Лионель Месси фаолиятини «Манчестер Сити»да давом эттирмоқчи.
Журналист Вероника Брунатининг хабар қилишича, аргентиналик футболчи «шаҳарликлар» устози Хосеп Гвардиолага қўнғироқ қилган ва унинг жамоасига ўтиш истагида эканини айтган.
«Пул муаммо эмас. Мен ‘Манчестер Сити’да ўйнашни истайман», — деган Месси Гвардиола билан бўлган суҳбатда.
Таъкидланишича, футболчи рақобатбардош жамоага ўтиш ва совринлар учун курашишни истамоқда, бироқ ўз келажагини ортиқ «Барселона» билан қурмоқчи эмас.
Брунатининг ёзишича, «шаҳарликлар» Мессига «2+1» кўринишидаги шартнома таклиф қилади. Шунингдек, «Сити» келишувга бразилиялик ҳужумчиси Габриэль Жезусни қўшиш ниятида.
Аввалроқ «Манчестер Сити» Месси билан шахсий шартнома борасида деярли келишувга эришгани ва трансфер учун 100 миллион еврога қўшиб уч нафар футболчисини (Габи Жезус, Бернарду Сильва ва Эрик Гарсия) таклиф қилиши хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)