Кремль Александр Лукашенко илтимосига биноан тузилган Россия ҳуқуқни муҳофаза қилиш органлари ходимлари захираси Беларусь ҳудудида фойдаланилмайди деб ҳисобламоқда. Meduza’нинг хабар беришича, бу ҳақда журналистлар билан суҳбатда Россия президенти матбуот котиби Дмитрий Песков маълум қилди.
«Ўзингга ҳисоб бериш жуда муҳим ва президент ҳам бу айнан захира эканлиги, уни ишга солишга ҳеч қандай зарурат йўқлигини таъкидлади. Президент Путин ундан фойдаланилмайди деган фикрда. Биз ҳам президент таърифлагандек қатлис вазиятгача етиб бормаслигига, Беларусь бундай вазиятга дуч келмаслигига умид қиляпмиз», — деган Кремль вакили.
Россия Беларусь хавфсизлик кучларига эмас, балки мамлакат аҳолисига, фуқаролик жамиятига ёрдам бера оладими, деган саволга Песков «Бу гипотетик фикрлаш. Сиз-у биз хавфсизлик кучлари тартиб билан ҳаракат қилаётгани, ўз вазифаларини жуда тўғри ва ўта эҳтиёткорлик билан бажараётганига гувоҳ бўляпмиз», деб жавоб берган.
Эслатиб ўтамиз, 27 август куни «Россия» телеканалига берган интервьюсида Владимир Путин ҳуқуқни муҳофаза қилиш органларидан иборат захира тузилганини маълум қилганди. Президент унинг Александр Лукашенконинг илтимосига биноан амалга оширилганини айтган.
Изоҳ (0)