Қариш — 20 ёшдан кейин танада юз берадиган муқаррар жараён, аммо уни секинлаштирадиган ёки тезлаштириб юборадиган маҳсулотлар мавжуд. Бунинг учун рационга аҳамият бериш керак. Баъзи маҳсулотлар антиоксидантлар ва фойдали ёғ кислоталарининг юқори миқдори туфайли қариш жараёнини секинлаштириши мумкин, айрим ҳолларда эса аксинча таъсир кўрсатади. Ёшликни иложи борича узоқроқ сақлаб қолиш учун қандай маҳсулотлардан воз кечиш кераклигини билиб олиш зарур.
Шакар
Шакар маҳсулотини истеъмол қилишни тўхтатиш учун бир қанча сабаблар мавжуд. Энг аввало, қариш жараёнини тезлаштиради, терининг ҳолатини сезиларли даражада ёмонлаштиради, юрак-қон томир касалликлари ва депрессиянинг эҳтимолини оширади. Эҳтиёждан ортиқча шакар истеъмол қилиш ҳужайраларда гликация жараёнини бошлаб юборади. Ортиқча глюкоза молекулалари танада оқсиллар билан бирлашади, натижада коллаген молекулалари йўқ қилинади. Тери юмшоқлигини ва рангини йўқотади, ажинлар ва қичишиш пайдо бўлади. Бундан ташқари, шакарнинг тана учун ҳеч қандай фойдаси йўқ, шунчаки қўшимча калория ҳисобланади.
Гўшт
Гўшт маҳсулотларидан, айниқса чўчқа гўшти танага радикал зарар етказиш хавфини оширади. У ҳужайралардаги қайтариб бўлмайдиган оксидланиш жараёнини қўзғатади, бу эса ҳам ташқи, ҳам ички томондан қариш жараёнини сезиларли даражада тезлаштиради. Агар ўсимликларга асосланган парҳез қийинчилик туғдирса, унга товуқ гўштини қўшиш мумкин. Товуқ гўшти антиоксидантлар, минералларга бой маҳсулот. Шунингдек, барча гўшт маҳсулотлари туз ва консерватив моддаларни ўз ичига олади ва ҳеч қандай фойда келтирмайди.
Қора чой
Одатда ҳамма чой ҳам бир хилда фойдали эмас. Қора чой терининг сувсизланишига олиб келадиган бирикмаларга бой. Маълумки, қуруқ тери кўпроқ ажин тушишга мойил бўлади, шунинг учун ҳам қора чой ичишда эҳтиёт бўлиш керак. Уни кўк ёки бошқа ўсимлик чойи билан алмаштириш мумкин, улар таркибида кўплаб антиоксидантлар мавжуд. Агар чиндан ҳам қора чой ичишдан воз кечиш қийин бўлса, унда ичгандан сўнг ортидан бир стакан сув ичиш керак.
Спиртли ичимликлар
Спиртли ичимликлар бир неча сабабларга кўра тақиқланган маҳсулотлар рўйхатига киритилган. Биринчидан, у қора чой каби сувсизланишни келтириб чиқаради, бу эса соғлиққа салбий таъсир қилади. Иккинчидан, ҳар қандай спиртли ичимлик шакар ва қўшимча калорияни ўз ичига олади. Агар спиртли ичимлик истеъмоли тўхтатилмаса, ундан кейин кўп миқдорда сув ичиш тавсия этилади.
Лимон
Ушбу рўйхатда кутилмаган маҳсулот лимон бўлиши мумкин. Таркибида қаришга қарши C витамини бўлишига қарамай, цитруслар тананинг ҳолатига таъсир ўтказадиган бошқа моддаларни ҳам ўз ичига олади. Лимон таркибидаги мева кислоталари организм учун ҳаддан ташқари зарарли бўлиб, улар коллаген молекулаларини йўқ қилади. Бундан ташқари лимон нордонлигини шакар билан бартараф этиш инсон саломатлиги учун зарар.
Изоҳ (0)