Юнусобод туманида собиқ ИИББ ходими маст ҳолатда машина бошқариб, онаси билан йўлни кесиб ўтаётган икки ёшли болани уриб кетгани тўғрисида хабар берилганди. «Gazeta.uz»нинг пойтахт ИИББ ахборот хизматига таяниб маълум қилишича, болакай 24 август кечаси олинган тан жароҳатлари оқибатида вафот этган.
Эслатиб ўтамиз, 24 август куни, тахминан, соат 01:10 да Юнусобод тумани Юнусота кўчасида Cobalt автомобили ҳайдовчиси 31 ёшли Т.А. пиёдаларнинг тартибга солинмаган ўтиш жойидан онаси билан ўтаётган ёш болани уриб юборган. ЙТҲ оқибатида икки ёшли Т.Ч. тан жароҳатлари билан шифохонага етказилган.
ЙТҲ содир этган ҳайдовчи Тошкент шаҳар ИИББ собиқ ходими бўлиб, шаҳодатлаш комиссиясидан ўтмагач, раҳбариятнинг буйруғи асосида 2020 йилнинг 20 август куни ички ишлар органларидан бўшатилган.
Болакайнинг ўлимидан сўнг жиноят иши Жиноят кодексининг 266-модда 2-қисмига (йўл ҳаракати хавфсизлиги ёки транспорт воситаларидан фойдаланиш қоидаларини бузиш, инсон ўлимига олиб келиши) ўзгартирилган.
Шу куннинг ўзида айбланувчи қўлга олинган. Унга нисбатан эҳтиёт чорасини тайинлаш бўйича суд мажлиси 25 август куни бўлиб ўтади.
Мавзуга доир:
- Навоийда Nexia ҳайдовчиси ухлаб қолиши оқибатида даҳшатли ЙТҲ содир бўлди. Ҳайдовчилардан бири воқеа жойида вафот этган
- Шароф Рашидов туманида 2 та Damas тўқнашди. Машиналардан биридаги йўловчи бола оғир аҳволда шифохонага ётқизилган
- Жиззахда Cobalt пиёдани уриб юборди. Жабрланувчи шифохонага ётқизилган
Изоҳ (0)