«Барселона» ва Бразилия терма жамоаси собиқ футболчиси Роналдиньо ва унинг акаси Парагвай суди томонидан озод қилинди. Бу ҳақда ABC Color хабар берди.
Таъкидланишича, 24 август, душанба куни Парагвай суди Роналдиньо ва унинг акаси Робертони озодликка чиқарган. Эндиликда Роналдиньо 90 минг АҚШ доллари миқдоридаги жарима тўлаши керак бўлади, шундан 60 минг доллар коронавирусга қарши курашга, қолган 30 минг эса хайрия жамғармасига йўналтирилади.
Роналдиньонинг акаси эса 200 минг жарима тўлаши керак бўлади. Ушбу маблағнинг барчаси Парагвай қамоқхоналарида пандемияга қарши курашиш учун сарфланади. Шунингдек, Роберто ҳар тўрт ойда бир марта ўз мамлакатининг суд идораларига ҳисобот бериб туриши лозим. Роналдиньо учун эса бунда қатнашиш мажбурий эмаслиги айтилмоқда.
Эслатиб ўтамиз, март ойи бошларида бразилиялик собиқ юлдуз ўз акаси билан Парагвай ҳудудига сохта паспорт билан кирганлиги учун ҳибсга олинганди. Шундан кейин улар 32 кун давомида қамоқда сақланди. Кейинчалик эса ака-ука Асунсёндаги меҳмонхонада уй қамоғида бўлиб турди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)