Мустақиллик байрами арафасида ўзбекистонликлар кетма-кет 3 кун дам олади. Бу ҳақда ЎзА хабар берди.
Фото: «Дарё»
2019 йил 14 ноябрдаги ПФ-5875-сонли Президент фармонига биноан, 29 август — шанба дам олиш куни 31 август — душанба иш кунига кўчирилади.
Қайд этилишича, 29 август — шанба куни ҳафтасига неча кун ишлашидан қатъи назар, барча ходимлар учун иш куни ҳисобланади. 31 август — душанба куни эса ҳафтасига неча кун ишлашидан қатъи назар, барча ходимлар учун дам олиш куни бўлади.
Шундай қилиб, Мустақиллик байрами арафасида ўзбекистонликлар қуйидаги 3 кунда кетма-кет дам олишади:
- 30 август — якшанба (дам олиш куни);
- 31 август — душанба (барча учун кўчирилган дам олиш куни);
- 1 сентябрь — сешанба (Мустақиллик байрами).
Эслатиб ўтамиз, Наврўз байрами арафасида ўзбекистонликлар 3 кун кетма-кет: 21 март – шанба (Наврўз байрами), 22 март – якшанба (дам олиш куни) ҳамда 23 март – душанба (қўшимча дам олиш куни) дам олганди.
