«Change.org» сайтида France Football ўз қарорини қайта кўриб чиқишига ва 2020 йилги «Олтин тўп» маросимини ўтказишга ундайдиган петиция эълон қилинди.
«Лацио» ҳужумчиси Чиро Иммобиле машҳур номларни ортда қолдириб, «Олтин бутса»ни қўлга киритди. Таркибида Садио Мане, Муҳаммад Салоҳ, Трент Александер-Арнольд ва Виржил ван Дейк бўлган «Ливерпуль» 30 йилдан кейин илк бор Премьер Лигада чемпион бўлди, Неймар ажойиб мавсум ўтказди, ПСЖ эса биринчи Чемпионлар Лигаси финалига чиқди. 30 ёшдан ошган Криштиану Роналду ва Лионель Месси ўзларининг статистикасини янгилади ва қатор рекордлар ўрнатди. Ва албатта, Роберт Левандовски томонидан киритилган голлар эвазига «Бавария» требл қайд этди. Ушбу ўйинчилар оғир пайтларда инсонларга қувонч бағишлагани учун мукофотланишга лойиқдир.Қайд этиш жоиз, мазкур петиция эълон қилинганига ҳали бир сутка бўлмасидан, 147 мингдан ортиқ одам томонидан маъқулланди. Петиция муаллифи дея Bleacher Report нашри кўрсатилган.Петиция матни
Эслатиб ўтамиз, июль ойида коронавирус туфайли 2020 йилда дунёнинг энг яхши футболчисига топшириладиган мукофот бермаслиги тўғрисида қарор қабул қилинганди.
Маълумот учун, 2019 йилда мазкур совринни «Барселона» ҳужумчиси Лионель Месси қўлга киритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)