«Навбаҳор» бош мураббийи Андрей Канчельскис Coca-Cola Суперлига 11-тури доирасида «Машъал»га қарши кечган ўйиндан (0:1) сўнг ўз фикрлари билан ўртоқлашди.
Биринчи навбатда «Машъал»ни ғалаба билан табриклайман. Баракалла, йигитлар! Икки хил бўлим бўлди. Биринчи бўлимда жуда ёмон ўйнадик. Иккинчи бўлимда вазиятларга эга бўлдик, ҳисобни тенглаштиришимиз керак эди. Қаердадир омад келмади, бу футбол.«Навбаҳор» 11-турдан кейин 18 очко билан 6-ўринда бормоқда. Жамоа кейинги турда ОКМК билан ўйнайди.Ташкилотчиларга раҳмат айтаман. Олдинги тур билан солиштирганда яхшироқ майдон ва қулай вақтга белгилаб бергани учун раҳмат.
Майдонга тушган футболчиларга раҳмат. Уларга иккинчи бўлим учун эътирозим йўқ. Биринчи бўлимни эса таҳлил қиламиз. Ҳаёт давом этади, кейинги турдаги ОКМК билан ўйинга тайёргарлик кўрамиз.
Ғалаба учун нима етишмади? Голлар етишмади. Таркибимизда йўқотишлар бор. Бир қанча футболчиларда касаллик аломатлари бор. Аммо таркибимизда бошқа футболчилар ҳам бор, улар майдонга тушиб ўйнаши керак. Коронавирус бизни ҳам четлаб ўтгани йўқ. Таҳлил қиламиз, гаплашамиз. Биз мағлуб бўлдик, рақиб эса ютди, «Машъал»ни табриклайман.
Нўмон Ҳасанов «Навбаҳор»да менинг ёрдамчим бўлади. Машғулотлар жараёнида ҳам, бошқа ишларда ҳам. Айни пайтда менинг ёрдамчим карантин туфайли Москвадан кела олмаяпти шу боис Ҳасанов менга ёрдам беради.
Андрей Канчельскис, «Навбаҳор» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)