Футбол бўйича Coca-Cola Суперлига 11-турида «Локомотив» 21 август, жума куни «Қўқон-1912» билан баҳс юритди.
Учрашувнинг биринчи бўлими ўртача темпда ўтди ва дарвозалар олдида вазиятлар у қадар кўп бўлмади. 75-дақиқага келиб Темурхўжа Абдухолиқов «темир йўлчилар»ни олдинга олиб чиқди.
Бироқ қўқонликлар бунга иккита гол билан жавоб қайтарди. 80-дақиқада Шохназар Норбеков мувозанатни тиклади. Орадан кўп ўтмай Муҳаммаданас Ҳасанов жарима зарбасидан чиройли гол урган ҳолда «Қўқон-1912»нинг ғалабасини таъминлади.
Шу тариқа Қўқон шаҳри жамоаси очколарини 19 тага етказиб олди ва 4-ўринга кўтарилди. «Локомотив» (12) эса 8-поғонада қолди.
Coca-Cola Суперлига
11-тур баҳси
21 август, жума
«Локомотив» — «Қўқон-1912» 1:2
Голлар: 1:0 – 75 Абдухолиқов, 1:1 – 80 Норбеков, 1:2 – 86 Ҳасанов.«Локомотив»: Жавоҳир Илёсов, Шаҳзод Шайманов, Кахи Махарадзе, Вадим Афонин (Даврон Умиров, 63), Темурхўжа Абдухолиқов, Авазбек Ўлмасалиев (Кирилл Погребняк, 85), Жавоҳир Алижонов (Марат Бикмаев, 78), Шуҳрат Муҳаммадиев, Шерзод Файзиев, Диёр Туропов, Фарруҳ Иброҳимов.
«Қўқон-1912»: Ботирали Эргашев, Жасурбек Ёқубов, Суҳроб Бердиев (Сардор Азимов, 90), Қувондиқ Рўзиев (Шоҳназар Норбеков, 71), Авазхон Маматхўжаев, Ойбек Рустамов, Муҳаммаданас Ҳасанов, Александр Мерзляков, Иван Ёсович, Филип Раевац (Ҳамидулло Абдуҳамидов, 60) (Собит Синдаров, 90), Якуба Бамба.
Огоҳлантиришлар: Бамба (25), Рустамов (54), Ёсович (83)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)