«Марсель» ярим ҳимоячиси Дмитри Пайетда коронавирус инфекцияси аниқланди. Бу ҳақда RMK Sport нашри хабар бермоқда.
Қайд этиш жоиз, бу француз клубидаги коронавирус билан боғлиқ бешинчи ҳолат. Бунгача «Марсель»да COVID-19 инфекциясининг тўртта ҳолати аниқланганди.
Франция чемпионатининг 1-туридан ўрин олган «Марсель» – «Сент-Этьенн» учрашуви Марсель клуби футболчиларида коронавирус аниқлангани туфайли қолдирилди. Учрашув 21 август, жума кунига белгиланган эди. Ҳозирда учрашувнинг 16 ёки 17 сентябрга қолдирилгани таъкидланмоқда.
«Марсель» ўтган мавсумда Франция чемпионатида иккинчи ўринни эгаллаб, Чемпионлар Лигаси гуруҳ босқичида иштирок этиш ҳуқуқини қўлга киритди. «Сент-Этьенн» эса мавсумни 17-ўринда якунлади.
Маълумот учун, Дмитри Пайет 2017 йилдан бери «Марсель» шарафини ҳимоя қилиб келади. Лига1 нинг 2019/20 йилги мавсумида у 22 та ўйин ўтказиб, 9 та гол ва 5 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)