ПСЖ ҳужумчиси Неймар Чемпионлар Лигасининг финал учрашувини ўтказиб юбориши мумкин.
The Сун нашри тарқатган хабарга кўра, эҳтимолий дисквалификацияга сабаб Неймарнинг ўйиндан сўнг «Лейпциг» ҳимоячиси Марсель Хальстенберг билан ўзаро либос алмашгани бўлиши мумкин.
Таъкидланишича, УЕФА коронавирус пандемияси билан боғлиқ вазиятни ҳисобга олиб, ўйинчиларга либос алмашишни тақиқлаган. Мажбуриятларга амал қилмаслик эса интизом қоидаларига мувофиқ жазога олиб келиши мумкин.
Аввалроқ Лиссабондаги (Чемпионлар Лигаси) турнирда ўзаро либос алмашган ўйинчилар 12 кунлик ўзини ўзи яккалаш ҳолатига олиниши ҳақида хабар берилганди.
Эслатиб ўтамиз, Чемпионлар Лигасининг финал учрашуви 23 август санасига белгиланган. «Бавария»—«Лион» учрашуви ғолиби ПСЖга қарши мусобақа ғолиблиги учун майдонга тушади.
Неймар ушбу мавсумда клуб миқёсидаги барча турнирларда 26 учрашув ўтказиб, 19 гол ва 12 та голли узатмага муаллифлик қилди.
Тавсия:
Изоҳ (0)