Италияда коронавирус билан касалланиш ҳолатлари сони, айниқса, ёшлар орасида ошгани сабабли карантин чекловларини кучайтиришга қарор қилинди. Бу ҳақда 17 август куни Reuters хабар берди.
Қайд этилишича, Италияда ўтган ҳафтадаги янги касалланиш ҳолатлари сони уч ҳафта олдингига қараганда икки баравардан ошган. Вирусга чалинганларнинг ўртача ёши 40 ёшдан тушган.
Шу сабабли мамлакатда дискотекалар ва тунги клубларни ёпишга қарор қилинган, шунингдек, кечки пайт очиқ ҳавода юрганларга ниқоб тақиш мажбурияти жорий этилди. Янги тартиб 17 августдан кучга киради ва сентябрь бошигача амалда бўлади. Ниқобни соат 18:00 дан 6:00 гача одамлар тўпланиши мумкин бўлган бар ва паблар яқинидаги жойларда тақиш керак бўлади.
Экспертлар касалланишлар сони ортишида тунги ҳаёт, одамларнинг меҳнат таътилидан қайтгани ва ёшларнинг ижтимоий масофаланиш қоидаларига риоя қилмаётганини сабаб қилиб кўрсатган.
Эслатиб ўтамиз, 21 июль куни мамлакат соғлиқни сақлаш вазири Роберто Сепаранса Италия коронавирус эпидемиясини енгганини маълум қилганди. Унинг айтишича, сўнгги ойлар Италия тарихида Иккинчи жаҳон уруши давридан буён энг қийин вақт бўлган. Шу билан бирга, мавжуд вазир вазият касаллик ортда қолди, деб айтишга ҳозирча имкон бермайди. Вакцина пайдо бўлганидан кейингина тўлиқ ғалаба ҳақида гапириш мумкин.
Изоҳ (0)