Профессионал бокснинг супер ярим ўрта (-69,85 кг) вазн тоифасида ҳаракат қилаётган ўзбекистонлик Исроил Мадримов (5-0, 5 КО) ўзининг навбатдаги жангини Тошкент вақти билан 16 август тонгида ўтказади.
Тўқнашувдан олдин иккала боксчи ҳам тарозидан ўтди. Исроилнинг вазни 69,7 килограммни ташкил этган бўлса, Уокер 68, 5 килограмм тош босган.
Жанг видеосини қуйидаги ҳавола орқали томоша қилиш мумкин → ҲАВОЛА.
Маълумот учун, Исроил Мадримов ўзининг сўнгги жангини 2020 йил 1 март куни ўтказган. Унда Исроил венесуэлалик Чарли Наваррога (29-10, 22 КО) қарши рингга чиқиб, рақибини 6-раунддаёқ нокаутга учратганди.
Эрик Уокер эса 2019 йил 7 декабрь санасида Дамиан Эзекел Бонеллига қарши жанг олиб бориб, рақибидан очколар эвазига устун келган. У сўнгги бори 2018 йил 22 майида Брендон Адамсга мағлуб бўлган.
Эслатиб ўтамиз, 16 август куни бўладиган жанг оқшомида ўзбекистонлик бошқа бир боксчи Шаҳрам Ғиёсов ҳам жанг қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)