Футбол бўйича Европа Чемпионлар Лигаси чорак финалида «Барселона» ва «Бавария» жамоалари 14 август, жума куни ўзаро баҳс юритди.
Лиссабонда ўтган баҳс голларга бой бўлди ва немисларнинг ғалабаси билан тугади. Учрашувнинг 4-дақиқасидаёқ мюнхенликлар Томас Мюллернинг голидан кейин олдинга ўтиб олди. Орадан уч дақиқа ўтиб Давид Алабанинг автоголидан сўнг ҳисоб тенглашди.
Танаффусга қадар «Бавария» футболчилари яна учта гол уришга эришди. 21-дақиқада Иван Перишич ўз номини таблога ёздириб қўйган бўлса, 27-дақиқада Серж Гнабри жамоасининг учинчи голини урди. Орадан кўп ўтмай Мюллер дублини нишонлади.
Иккинчи бўлим дебютида Луис Суарес ҳисобни қисқартирди, бироқ каталон бунинг ортидан яна тўртта голни қабул қилиб олди. 63-дақиқада ҳимоячидаги хатодан кейин Йозуа Киммих гол урган бўлса, 82-дақиқада Роберт Левандовски дарвозани ишғол қилди. Баҳс якунланиши арафасида Филиппе Коутиньо иккита гол урган ҳолда якуний ҳисобни ўрнатди — 2:8!
Шу тариқа Ханс-Дитер Флик жамоаси муособақа ярим финалига йўл олди ва у ерда «Лион» — «Манечстер Сити» учрашуви ғолиби билан куч синашади.
ЕЧЛ
Чорак финал баҳси
14 август, жума
«Барселона» Испания — «Бавария» Германия 2:8
Голлар: 0:1 – 4 Мюллер, 1:1 – 7, автогол Алаба, 1:2 – 21 Перишич, 1:3 – 27 Гнабри, 1:4 – 31 Мюллер, 2:4 – 57 Суарес, 2:5 – 63 Киммих, 2:6 – 82 Левандовски, 2:7 – 85 Коутиньо, 2:8 – 89 Коутиньо.«Барселона»: тер Штеген, Лангле, Альба, Пике, Серхи Роберто (Гризманн, 46), де Йонг, Бускетс (Фати, 70), Видаль, Семеду, Суарес, Месси.
«Бавария»: Нойер, Алаба, Киммих, Боатенг (Зюле, 76), Гнабри (Коутиньо, 75), Дэвис (Люка Эрнандес, 84), Алькантара, Перишич (Коман, 67), Горетцка (Толиссо, 84), Левандовски, Мюллер.
Огоҳлантиришлар: Боатенг (42), Дэвис (52), Суарес (54), Альба (59), Киммих (85), Видаль (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)