Англия Премьер Лигаси 2019/20 йилги мавсумининг энг яхши ёш ўйинчиси аниқланди

«Ливерпуль» ҳимоячиси Трент Александер-Арнольд Премьер Лига 2019/20 йилги мавсумининг энг яхши ёш ўйинчи номига лойиқ кўрилди.

Соврин мавсумдаги натижалар асосида 23 ёшдан кичик футболчиларга топширилади.

Трент лига 2019/20 йилги мавсумида 14 та голли узатма амалга оширди. Фақат «Манчестер Сити» ярим ҳимоячиси Кевин де Брюйне ассистлар борасида Александер-Арнольддан яхшироқ натижа қайд этди. Шу билан бирга ёш ҳимоячи «Ливерпуль» билан 12 та қуруқ ўйин ўтказди.

Merseyside's Finest™️@trentaa98 is your @TAGHeuer Young Player of the Season 🙌#PLAwards pic.twitter.com/70VFJAV0de

— Premier League (@premierleague) August 14, 2020

21 ёшли футболчи сўровномада Жек Грилиш («Астон Вилла»), Мэйсон Гринвуд, Антони Марсьялй, Маркус Рэшфорд (барчаси – «Манчестер Юнайтед»), Дин Ҳендерсон («Шеффилд Юнайтед»), Мэйсон Маунт ва Кристиан Пулишичдан (иккиси – «Челси») ўзиб кетди.

Энг яхши ёш ўйинчини танлаш мухлислар, 20 та клуб сардорлари ва футбол экспертлари ўртасида ўтказилган овоз натижалари асосида амалга оширилди.