«Барселона» президенти Хосеп Бартомеу ушбу ҳафтада «Тоттенҳэм» ва «Эспаньол» клублари собиқ бош мураббийи Маурисио Почеттино билан бирга тушлик қилган.
Cadena Ser Catalunya журналисти Сике Родригеснинг ёзишича, мазкур учрашувда Каталония клуби спорт директори Эрик Абидалнинг ёрдамчиси Рамон Планес ҳам иштирок этган.
Аввалроқ «Барселона» жамоа бош мураббийлигига Хави ва Роналд Куман билан биргаликда Почеттино номзодини ҳам кўриб чиқаётгани ҳақида хабар берилганди.
Қайд этиш жоиз, каталон клуби Чемпионлар Лигаси чорак финалида «Бавария»га йирик ҳисобда (2:8) мағлуб бўлгач, Кике Сетьеннинг бош мураббийликдан бўшатилиши маълум бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)