Хонанда Шаҳло Аҳмедова Instagram’даги Stories орқали мухлисларининг барча қизиқтирган саволларига жавоб берди.
«Ҳар бир ишда машаққатли дамлар бўлади. Сизда қандай қийинчиликлар бўлган?» деган саволга жавобан хонанда ўтган йили «Ёзги ёмғирлар» клипи учун лицензияси олиб қўйилгани ҳақида гапирди:
«Ўтган йили ‘Ёзги ёмғирлар’ клипи учун лицензиям олиб қўйилди. Бироқ бу менинг фойдамга ишлади. Биринчидан, жуда ажойиб пиар бўлди, иккинчидан мен ўзимни янги соҳада синаб кўрдим. Қандай соҳа эканлиги ҳақида яқинда бафуржа сўзлаб бераман. Омадсизлик бу ҳақиқатан ҳам муваффақиятга элтувчи йўл», — дейди хонанда.
https://www.instagram.com/p/BpcK580FS8A/
Шаҳлога йўлланган саволлар орасида «Севгидан куйганмисиз?» деган мазмундагилари ҳам бўлди.
«Севиб қолмаганман ҳали, севгидан куйиш туйғуси мен учун тушунарсиз», — деб жавоб берди ушбу саволга хонанда.
Шаҳло Аҳмедованинг фикрича, ўз ишини қиладиганлар ҳар доим ҳам атрофдагиларга ёқавермайди. Шунинг учун бундай инсонларни кўп танқид қилишади.
«Тўйга ёки бошқа маросимга чақирсак, келасизми?» деган саволга хонанда «Тўй ва маросимларда қўшиқ куйламайман», деб жавоб берди.
Stories’даги мулоқотдан маълум бўлишича, Шаҳло Аҳмедова ёшларидаги 11 йиллик фарққа қарамай опаси Лола билан сирлашади.
https://www.instagram.com/p/CDQzgkSDdiT/
Хонанданинг мухлисларидан бири ундан «Агар Шаҳрам Ғиёсовга турмушга чиқсангиз, тўйга чақирасизми?» деб сўради.
«Мен унга турмушга чиқмайман, биз ахир дўстмиз-ку! Бунақа гапларни ёзишни бас қилинг, илтимос», — деб ёзди Шаҳло Аҳмедова ушбу саволга жавобан.
Изоҳ (0)