Республика махсус комиссияси қарорига асосан Россиянинг Шимолий Кавказ ва Жанубий федерал округларидаги ўзбекистонликларни олиб келиш учун Тошкент—Ростов-Дон—Тошкент йўналиши бўйича темир йўл рейси ташкил қилинди. Бу ҳақда Транспорт вазирлиги ахборот хизмати хабар берди.
Маълум қилинишича, 10 август куни Гниловская—Тошкент йўналишида ҳаракатланишни бошлаган поезд 13 август куни 918 нафар фуқарони Ўзбекистонга олиб келди.
Олиб келинган фуқаролар Республика махсус комиссияси томонидан белгиланган талабларга қатъий риоя қилган ҳолда карантин муддатини ўташ учун автобусларда Тошкент вилоятининг махсус карантин зоналарига етказилди.
Аввалроқ Россиядан поездда олиб келинган 918 нафар ўзбекистонлик Намангандаги карантин зонасига жойлаштирилганди. Шунингдек, яна бир поезд Самарадан Самарқандга ўзбекистонликларни олиб келган.
Изоҳ (0)