UFC’нинг енгил вазн тоифасидаги вақтинчалик чемпиони Жастин Гэтжи Ҳабиб Нурмагомедовни қай тариқа мағлуб этишни режалаштираётгани ҳақида гапирди.
«Биз кўп кураш тушмаслигимиз аниқ. Мен учун бир нечта зоналар бўлади, холос. Улар унчалик катта эмас. Айнан ушбу зоналар ҳал қилувчи аҳамиятга эга бўлади. Мен улар очилган пайтда фойдаланиб қолишга мажбурман. Мен яхши бажарадиган нарса бу — хунрезлик ва тўқнашувлар яратиш.
Ягона мақсадим — у билан кўпроқ юзма-юз келиш. Тана ёки бош қисмига уришнинг аҳамияти ҳақида гапираётганим йўқ. Асосийси, зарбалар алмашинуви вақтида уни мувозанатдан чиқариш. Бу уни мағлуб этишнинг ягона йўли», — дейди Гэтжи .
Эслатиб ўтамиз, Ҳабиб ва Гэтжи ўртасидаги жанг 24 октябрь куни Абу-Дабидаги «Жангчилар ороли»да бўлиб ўтади.
Изоҳ (0)