Чилилик футболчи Алексис Санчес «Манчестер Юнайтед» билан ўртадаги шартномасини бекор қилган ҳолда Миланнинг «Интер» клуби аъзосига айлангани ҳақида хабар берилганди.
The Guardian нашри Санчеснинг қайси шартлар асосида «Интер»га йўл олгани ҳақида маълумотларни ошкор қилди.
Қайд этилишича, шартноманинг муддатидан аввал бекор қилиниши сабаб «Манчестер Юнайтед» Санчесга 7,5 миллион фунт стерлинг миқдоридаги маблағни тўлаган. Манкунианлар бу орқали 40 миллион фунт тежаб қолган. Боиси Санчес яна икки йил «Юнайтед»да қолганида шартномага кўра айнан шунча маблағ ишлаб топарди.
Алексис «Манчестер Юнайтед»да ҳафтасига 390 минг фунт ишлаб топган. Клуб ҳатто Санчес «Интер»да ижарада бўлган вақтда ҳам ушбу маблағнинг маълум қисмини тўлаб борган.
Маълумот учун, Алексис Санчес 2019/20 йилги мавсумни ижара асосида «Интер» сафида ўтказди. У клуб сафида барча мусобақаларда 29 та ўйин ўтказиб, 4 та гол урди ва 10 та голли узатмани амалга оширди. Ҳакамлар томонидан 3 та сариқ ва 1 та қизил карточка билан сийланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)