«Барселона» клуби Англиянинг «Лестер» жамоаси ҳимоячиси Чағлар Союнжунинг хизматларига жиддий қизиқиш билдирмоқда.
NTV Spor хабарига кўра каталонияликлар Туркия терма жамоасининг 24 ёшли ҳимоячиси учун «тулкилар»га расмий таклиф юборган. Маълум бўлишича, «Барселона» Союнжу учун 40 миллион евро тўлашга тайёр.
Агар клублар келишувга эришса, Чағлар «Барселона» билан 5 йиллик битимга имзо чекади.
Маълумот учун, футболчининг «Лестер» билан амалдаги битим 2023 йил 30 июнида якунига етади. Ҳимоячи Англия Премьер Лигасининг 2019/20 йилги мавсумида битта гол уриб, битта голли узатмага муаллифлик қилди.
Эслатиб ўтамиз, аввалроқ «Барселона»нинг «Сан-Паулу» клубидан 19 ёшли Густаво Майяни сотиб олгани ҳақида хабар берилганди.
Густаво Майя ким? У янги Неймар бўладими? Унда ушбу роликни томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)