Бокс бўйича тўрт вазн тоифасида собиқ Жаҳон чемпиони Рой Жонс Майк Тайсонга қарши бўладиган жанги олдидан ўз тахминлари билан ўртоқлашди.
«Комиссия Тайсонни рингга кирган вақтидан бошлаб назорат қила олмайди.
Мен ҳақиқий жангда бўлгани каби ўзимни ҳимоя қилишим керак. Агар Майк рингга чиқиб, менга қарата кучли зарбалар берса, нима қиламан? Комиссия вакилларига қарайманми?
Албатта, йўқ. Мен ўзимни ҳимоя қилишим ва жавоб қайтаришим керак. Майкнинг ҳар қандай ҳаракатига тайёр бўлишим лозим. Мен том маънодаги ҳақиқий жангга тайёр бўлишим керак», — дейди Рой Жонс.
Эслатиб ўтамиз, 54 ёшли Тайсон ва 51 ёшли Жонс ўртасидаги кўргазмали жанг 12 сентябрь куни Лос-Анжелесда бўлиб ўтади. Беллашув 8 раунддан иборат бўлади.
Маълумот учун, Рой Жонс профессионал боксда 75 та жанг ўтказиб, 66 ғалабага (47 таси нокаут) эришган ва тўққиз бор мағлуб бўлган.
Майк Тайсон эса профессионал боксда 58 та жанг ўтказиб, уларнинг 50 тасида ғалаба қозонган. 44 та жангда рақибларини нокаутга учратган. Олтита жангда мағлуб бўлган. Иккита жанги эса ҳисобланмаган.
Рой Жонс ва Ричард Ҳолл иштирокидаги қойилмақом жангни томоша қилинг (видео)
Изоҳ (0)