Тонгни қандай қарши олсанг, кунинг ҳам шундай ўтади. Лекин ҳар бир дақиқаси режалаштирилган машҳурлар-чи? Улар тонгни қандай кутиб олиши сизга ҳам қизиқ бўлса, марҳамат, танишиб чиқинг.
Женнифер Энистон
Актриса эрталаб 04:30 уйғонади, у бунга «Тонгги шоу» сериали намойиши туфайли одатланган. Дам олиш кунлари соат 8-9 гача ухлаши ҳам мумкин. Жен уйғонганидан сўнг юзини ювиб, медитация қилади ва суперфоод коктейлини ичади.
Опра Уинфри
Таниқли телебошловчи эрталаб, албатта, 20 дақиқа вақтини медитацияга бағишлайди, кейин югуриш йўлагига ўтади. Опра севимли мусиқа ҳамда мазали таомлар билан янги кунга тайёрланади.
Виктория Бекхем
Spice Girls’нинг собиқ аъзоси соат 6 да уйғонади, ширин ичимликлар ичади. Бадан тарбиядан сўнг болаларни мактабга олиб кетади. Викториянинг ухлаб ётишга вақти бўлмайди.
Виола Дэвис
Актриса деярли ҳар куни эрталаб 05:30 да уйғонади. Турмуш ўртоғи билан биргаликда жисмоний машқлар бажаради. Виоланинг айтишича, бу вақт айнан улар учун аталган.
Деми Ловато
Хонанда тонгни спорт билан шуғулланиб кутиб олади. У бирданига кетма-кет иккита машғулотни ўтказади. Дастлаб бир соат бокс билан, кейин кучли машқларни бажаради.
Хлои Кардашян
Опа-сингиллари ичида Хлои барвақт 5 да уйғонди. Тонгни кўк чой билан бирга банан, сендвич тановул қилиб кутиб олади.
Мерилин Монро
Машҳур Монро коктейли аслида ҳазил эмас. Актриса ҳар тонг бир чашка сутка иккита хом тухумни чақиб ичган. Бундан ташқари мултивитаминлар ҳам қабул қилган.
Росе Ҳунтингтон-Вайтли
Модель соат 6 да уйғонгач, кучуги билан саёҳат қилади. Табиий маҳсулотлардан ажойиб нонушта тайёрлайди, ванна қабул қилишга ярим соат вақт ҳам ажратади.
Билл Гейтс
Миллиардер янги кунни доимо югуриш йўлакчасида машғулот билан бошлайди.
Кейт Хадсон
Актриса будилник овозидан кейин дарҳол уйғонолмайди. 10-15 дақиқадан сўнг қаҳва ичиш учун туради.
Изоҳ (0)