Tongda sovuq dush qabul qilish organizmni biroz zo‘riqtirishi mumkin, lekin ushbu jarayonda energiyaga to‘la bo‘lishga sabab bo‘luvchi adrenalin va miya faoliyati yaxshilanishida ahamiyatli bo‘lgan norepinefrin ajraladi. Qolaversa, sovuq dush bir finjon qahva singari tetiklashtirish xususiyatiga ega.
Mushaklar og‘rishi to‘xtaydi
Bejizga jarohatlangan tana qismiga muzli xaltacha qo‘yilmaydi, sovuqlik shish va og‘riqni ketkazadi, to‘qimalar tiklanishiga sababchi bo‘ladi. Britaniyaning The New England Journal of Medicine o‘tkazgan tadqiqotida aniqlanishicha, 60 foiz sportchilar og‘ir mashqlardan keyin sovuq dush qabul qilib, mushaklari deyarli og‘rimayotganini ta’kidlagan. Bunday natijaga ega bo‘lish uchun shunchaki sovuq dush tagida turish emas, qon og‘riq bor tana qismiga yig‘ilgunicha suvni ma’lum muddat tutib turish kerak. Bu vaqtda teri rangida biroz qizarish kuzatiladi.
Qomat ixchamlashishi kuzatiladi
Organizmda ikki xil — oq va jigarrang yog‘ bo‘ladi. Oq yog‘ “yomon”, jigarrangi bo‘lsa “yaxshi” yog‘ hisoblanadi. Sovuq suvli dush qabul qilish esa aynan oq yog‘dan qutilishga yordam beradi. Olimlarning aniqlashicha, 10-15 daqiqa sovuq dush qabul qilganda metabolizm, velosiped uchgandagidek yaxshilanadi. Bu har kuni sovuq dush qabul qilinsa, yiliga 5 kg vazn yo‘qotish mumkinligini anglatadi.
Salomatlik uchun foyda
Sovuq dush metabolizmni yaxshilaydi. Moddalar almashinuvining yaxshilanishi esa immun tizimini faollashtiradi, buning oqibatida virusga qarshi kurashuvchi oq qon tanachalarining ko‘payishiga olib keladi.
Mavzuga doir:
