Абдулла Авлоний номидаги халқ таълими тизими раҳбар ва мутахассис ходимларини қайта тайёрлаш ва малакасини ошириш институтига янги ректор тайинланди. Бу ҳақда ХТВ матбуот хизмати хабар берди.
Мазкур лавозимни Кореянинг нуфузли университети битирувчиси Аюбхон Раджиев эгаллади. Аюбхон Раджиев KАIST (Korea advanced institute of science and technology) — Корея Илғор илм-фан ва технологиялар институтининг бакалавр ҳамда UNIST (Ulsan national institute of science and technology) — Улсан Илм-фан ва технологиялар миллий институтининг магистратура йўналишини тамомлаган.
Аюбхон Раджиев таълим тизимида Вазирлар Маҳкамаси ҳузуридаги Таълим сифатини назорат қилиш давлат инспекцияси Назорат материаллари банкини шакллантириш ва синовларни ташкил этиш бўлими бошлиғи, Узлуксиз таълим сифати мониторинги бош бошқармаси бошлиғи, Таълим сифати мониторинги бош бошқармаси бошлиғи лавозимида фаолият юритган.
Тайинловга қадар Аюбхон Раджиев Президент ҳузуридаги Давлат хизматини ривожлантириш агентлиги Ахборот-коммуникация технологияларини жорий этиш бошқармаси бошлиғи вазифасида ишлаб келган.
Изоҳ (0)