Давоми: Андижонлик 30 ёшли эркак ўлимига 18 ёшли йигитнинг севган қизига гап отганлиги сабаб бўлмаган
Маълум қилинишича, 18 ёшли О.Н. яхши кўрган қизига гап отганлиги учун 30 ёшли Ж.Ў. билан ўзаро жанжаллашган. Оқибатида 2020 йилнинг 25 июль куни соат 22:30 да Асака тумани «Қипчоқ» МФЙ ҳудудида О.Н. қўлида бўлган темир бўлаги билан Ж.Ў.нинг бош қисмига уриб, тан жароҳати етказган. Натижада Ж.Ў. оғир тан жароҳати олиб шифохонага ётқизилган.
Ҳодиса жойини кўздан кечириш давомида О.Н. томонидан Ж.Ў.га тан жароҳати етказилган темир бўлаги ашёвий далил тариқасида ўрнатилган тартибда расмийлаштириб олинган.
Ҳолат юзасидан Асака тумани ИИБ ҳузуридаги Тергов бўлими томонидан Жиноят кодексининг 104-моддаси 1-қисми (қасддан баданга оғир шикаст етказиш) билан жиноят иши қўзғатилган.
Жиноят иши бўйича О.Н. гумон қилинувчи тариқасида жалб қилиниб, процессуал тартибида ушланган. Кўрсатилган тиббий муолажаларга қарамасдан Ж.Ў. 2020 йилнинг 27 июль куни шифохонада вафот этган.
Жиноят иши Жиноят кодексининг 104-моддаси 1-қисмидан 104-моддаси 3-қисми «д» бандига (жабрланувчининг ўлимига сабаб бўлган қасддан баданга оғир шикаст етказиш) қайта малакаланган.
Ҳозирда тергов ҳаракатлари давом этмоқда.
Мавзуга доир:
- Наманганда севган қизи бошқага унаштирилганидан сўнг 5 маротаба пичоқ уриб ўлдирган йигит 11 йилга озодликдан маҳрум этилди
- Фарғонада рашкчи эр хотини билан қўл бериб сўрашган қўшнисини зинадан итариб юбориб унга тан жароҳати етказди
- Қашқадарёда 39 ёшли хотинини нотаниш эркакдан рашк қилган эр уни уриб ўлдириб қўйди
Изоҳ (0)