2020 йилнинг январь—июнь ойларида 74,6 мингта ўлим қайд этилган бўлиб, мос равишда 1000 аҳолига нисбатан ўлим коэффициенти 4,4 промиллени ташкил этди. Бу ҳақда Давлат статистика қўмитаси маълумотларида келтирилган.
Маълумотларга кўра, ўлим ҳолатлари 2019 йилнинг мос даврига нисбатан 0,1 промиллега тушганлиги (2019 йилнинг январь—июнь ойларида 4,5 промилле бўлган) кузатилди.
2020 йилнинг январь—июнь ойларида қайд этилган ўлим ҳолатининг:
- 59,3 фоизи қон айланиш тизими касалликларидан;
- 9,5 фоизи ўсимталардан;
- 4,9 фоизи овқат ҳазм қилиш аъзолари касалликларидан;
- 4,8 фоизи бахтсиз ҳодиса, заҳарланиш ва жароҳатланишдан;
- 4,7 фоизи нафас олиш аъзолари касалликларидан;
- 1,3 фоизи юқумли ва паразитар касалликлардан;
- 15,5 фоизи бошқа касалликлардан
Рўйхатга олинган 1 ёшгача вафот этган болалар сони 4,1 минг нафарни ташкил этиб, уларнинг:
- 52,7 фоизи перинатал даврда юзага келадиган ҳолатлардан;
- 22,3 фоизи нафас олиш аъзолари касалликларидан;
- 10,7 фоизи туғма аномалиялардан;
- 3,6 фоизи юқумли ва паразитар касалликлардан;
- 1,9 фоизи бахтсиз ҳодиса, заҳарланиш ва жароҳатланишдан;
- 0,6 фоизи овқат ҳазм қилиш аъзолари касалликларидан;
- 8,2 фоизи бошқа касалликлардан
Шунингдек, 2020 йилнинг январь—июнь ойларида 365,2 мингта бола туғилганлиги қайд этилган бўлиб (фақат тирик туғилганлар инобатга олинган), мос равишда 1000 аҳолига нисбатан туғилиш коэффициенти 21,6 промиллени ташкил этган. Бу 2019 йилнинг мос даврига нисбатан 0,6 промиллега ошган (2019- йилнинг январь—июнь ойларида 21,0 промилле бўлган).
Маълумот учун, Соғлиқни сақлаш вазирлиги маълумотларига кўра, Ўзбекистонда пандемия бошланганидан буён 122 киши коронавирус қурбонига айланган. «Дарё» ҳисоби бўйича коронавирус чалингач вафот этганлар сони 128 нафарни ташкил этмоқда.
Изоҳ (0)