«Ювентус» ҳужумчиси Криштиану Роналду жамоаси билан Италия чемпионлигини қўлга киритганидан сўнг мухлисларга мурожаат қилди.
«Бажарилди! Италия чемпиони бўлдик!
Кетма-кет иккинчи марта чемпион бўлганимдан хурсандман ва ушбу буюк ва ажойиб клуб тарихини яратишда давом этаман.
Ушбу соврин «Ювентус»нинг барча мухлислари, хусусан, барчамизни ҳайратда қолдириб, дунёни тубдан ўзгартириб юборган пандемиядан азият чекаётганларга бағишланади.
Бу осон бўлмади! Мухлисларнинг жасорати, масъулияти ва қатъиятлилиги ушбу қийин чемпионатда ва бутун Италияга тегишли бўлган мазкур чемпионлик учун курашишимизда бизга муҳим далда бўлди. Барчангизни қаттиқ қучиб қоламан!» — деб ёзади Роналду Instagram’даги саҳифасида.
Турин клуби мавсум якунига етишига икки тур қолганида «Сампдория»ни 2:0 ҳисобида мағлубиятга учратиб, мамлакат чемпионлигини қўлга киритди.
Криштиану Роналдунинг «Альянс Стадиум»даги 7 та эсда қоларли голларини томоша қилинг (видео)
Маълумот ўрнида, «Ювентус» Криштиану Роналдуни 2018 йилнинг ёзида 117 миллион евро эвазига сотиб олган. Бу мавсумда 35 ёшли португалиялик ҳужумчининг ҳисобида (А Серияда) 32 учрашув, 31 та гол ва 6 та голли узатма бор. Унинг клуб билан шартномаси 2022 йилнинг ёзигача амал қилади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)