«Арсенал» ҳимоячиси Давид Луиз Англия Премьер Лигасининг 38-туридан ўрин олган «Уотфорд»га қарши ўйинда (3:2) ғайриоддий натижа қайд этди.
Бразилиялик футболчи мазкур баҳсда ўз жамоаси дарвозаси томон белгиланган пенальтига сабабчи бўлди. 11 метрлик зарбани эса «Уотфорд» ҳужумчиси Трой Дини аниқ амалга оширди.
Opta хабарига кўра, бу АПЛ 2019/20 йилги мавсумида Давид Луизнинг айби билан белгиланган 5-пенальти бўлган. Бунгача ҳеч бир футболчи Премьер Лиганинг бир мавсумида ўз дарвозаси томон 4 тадан кўпроқ пенальти белгиланишига сабабчи бўлмаган. Шу тариқа Луиз 5 та пенальтиси билан мусобақа антирекордини ўрнатди.
Маълумот учун, Давид Луиз жорий мавсумда АПЛнинг 33 та ўйинида майдонга тушиб, 2 та гол ва 1 та голли узатмага муаллифлик қилди. Унинг иштирокидаги 14 учрашувда «тўпчилар» ўз дарвозаси дахлсизлигини сақлаб қола олган.
12 та гол урилган «Рединг»—«Арсенал» ўйини ёдингиздами? Уни томоша қилинг (видео)
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)