«Дарё»ни Telegram’да ўқинг! Join!
07:26, 25.07.2020 47842

Қоматни ихчам кўрсатишнинг бир неча усуллари

Либос қоматдаги камчиликларни яшириши ёки аксинча унга урғу бериши ҳам мумкин. Шу сабабдан ҳам харид давомида қомат ва диддан келиб чиққан ҳолда кийим танлаш тавсия қилинади. Қуйида кийим-кечак билан қандай қилиб озғин кўриниш мумкин эканига тўхталамиз.

«Запах»ли либос

Дизайнер Диана фон Фюрстенберг томонидан ўйлаб топилган кейинчалик барча люкс брендлар коллекцияларидан ўрин олган мазкур бичимдаги либослар дарҳақиқат қоматни ихчам кўрсатиш хусусиятига эга. Бундай либос белга урғу бериб, бўйинни узун кўрсатади.

Фото: Cosmopolitan

Пастки қисми кенг жинси шим

Бундай шим кийганларнинг оёқлари узун, ихчамроқ ва бўйи баланд кўринади. Шу сабабдан ҳам бундай шимлар фақатгина озғин кўринишни истаганлар учун эмас, балки баландроқ кўринишни хоҳловчилар учун айни муддао.

Фото: Cosmopolitan

Тўғри бичимли шим

Бу бичимдаги шим ҳам юқоридаги сингари хусусиятларга эга ва ҳеч ҳам урфдан қолмайди. Шу боис ҳам бундай шимни ҳеч иккиланмай кийиш тавсия қилинади.

Фото: Cosmopolitan

Узунчоқ тақинчоқ

Бундай тақинчоқ нафақат чиройли аксессуар, балки бўйинни узун кўрсатувчи деталь ҳисобланади. Тақинчоқни тошли, дурли, марварид ва бисерли вариантлари бор бўлиб, диддан келиб чиққан ҳолда харид қилиш тавсия қилинади.

Узун пиджак

Узун ва ёпишиб турмайдиган пиджак, жинси шим ва учли туфли кийишнинг ўзи билан сиз кўнгилдагидек образ ярата оласиз. Қолаверса, бундай бичимли костюм бел ва қориндаги ортиқча ёғларни яшириб кўрсатади.

Пошнали туфли

Пошнали оёқ кийим қоматни чиройли ва озғинроқ кўрсатиши сир эмас. Асосийси эса бундай оёқ кийимни қулайини танлаш ва ҳаракатланганда қийналмасликка амин бўлиш.

Олд қисми V бичимли кофта ёки либос

Бундай бичимли либос қоматни чиройли кўрсатиш билан бирга, аёлларга хос жозиба ҳам бағишлайди. Бундай кофталарни жинси шим ва ўрта узунликдаги юбка билан кийиш тавсия қилинади.

Фото: Dhgate

Камар ёки белбоғ

Кенг либос ёки блузка кийинг ва белингизга камар тақиб, урғу беринг. Бундай кийиниш қоматингизни чиройли кўрсатибгина қолмай, мода билан ҳамнафас эканингиздан ҳам далолат беради.

Изоҳ қолдиришдан аввал, қоидалар билан танишиб олинг: http://dy.uz/sBU7c