Машҳур Dior ва Dolce & Gabbana бендларининг коллекцияларидан ўрин олган бир неча онг минг доллар деб баҳоланадиган оқшом либослари нархи, қуйидаги либослар нархи билан солиштирилганда ҳеч қанча эмасдек тасаввур уйғотади.
«Абая»
Нархи 17,6 миллион долларни ташкил қиладиган мазкур либос, британиялик дизайнер Дебби Вингхем томонидан тақдим қилинган. Араб шайхи буюртмасига асосан тикилган, «Абая» деб номланган ушбу либос, 2 минг дона ноёб оқ, қора, қизил бриллиантлар билан безалган.
Катс ва Штрауснинг келинлик либоси
2006 йилда, тўй либослари дизайнери Мартин Катс ва заргар Рене Штраус энг қиммат келинлик либосини яратишга қарор қилган. Бриллиантлар билан безатилган, тўй либослари кўргазмаси учун махсус тикилган либос нархи 12 миллион долларни ташкил қилади.
«Куала-Лумпур булбули»
2009 йилда малайзиялик дизайнер Абдул Файзи томондан тикилган ва «Куала-Лумпур булбули» деб аталган ушбу либос асосини, шойи ва тафта ташкил қилади. 70 каратли битта йирик ва 750 дона майда бриллиантлар билан безатилган либос нархи 30 миллион доллар деб баҳоланган.
Мерилин Монро кийган либос
ХХ аср гўзаллик тимсолларидан бири бўлган Мерилин Монронинг кийган либоси 2011 йилда ўтказилган аукционда 4,6 миллионга сотилган.
Актриса, Жон Кеннедига атаб «Happy Birthday» қўшиғини куйлаганида кийган узун, қадди қоматни акс эттирадиган либоси эса 1,5 миллионга харид қилинган.
Изоҳ (0)