Ҳиндистоннинг Сурат шаҳридаги (Гужорат штати) заргарлик дўкони коронавирус пандемияси фонида бриллиантлар билан безатилган ҳимоя ниқоблари сотувини йўлга қўйди. Уларнинг нархи 2 мингдан 5 минг долларгача, деб хабар берди ANI.
Gujarat: A jewellery shop in Surat is selling diamond-studded masks ranging between 1.5 lakhs to 4 lakhs. Owner of the shop says, "As lockdown was lifted, a customer who had a wedding at his home came to our shop & demanded unique masks for bride & groom." #COVID19 pic.twitter.com/Oz5ShitRKj
— ANI (@ANI) July 10, 2020
Дўкон эгаси Дипак Чоксининг айтишича, бриллиантлар қадалган ниқоблар тайёрлаш ғояси тўйи бўлиши керак бўлган харидор дўконга келганидан кейин пайдо бўлган. У дўкон эгасидан келин ва куёв учун «ноёб» ниқоб тайёрлаб беришини сўраган.
«Дизайнерларимиз тайёрлаган ниқоб унга маъқул бўлди ва сотиб олди. Шундан кейин ана шундай ниқоблар тайёрлашга киришдик. Тайёрланишида сариқ олтин ва америка бриллиантлари ишлатиладиган ниқобларимиз 150 минг рупий (1990 доллар) туради. Оқ олтин ва ҳақиқий бриллиантлардан тайёрланган ниқобларимиз нархи 400 минг рупий (5,3 минг доллар)», — дейди Чокси.
Унинг сўзларига кўра, ниқоблардаги бриллиант ва олтинни мижоз ихтиёрига кўра чиқариб олиш ва улардан бошқа заргарлик буюми тайёрлаш мумкин.
Изоҳ (0)