Руминиялик мутахассис Мирча Луческу Киевнинг «Динамо» клуби бош мураббийига айланди. Бу ҳақда клуб расмий сайтида маълум қилинди.
«Динамо» ва Луческу ўртасидаги битим тафсилотлари очиқланмаган.
Қизиғи шундаки, Луческу 2004—2016 йиллар мобайнида «Динамо»нинг азалий рақиби «Шахтёр»ни бошқарган.
Мазкур тайинлов кўплаб киевлик мухлислар норозилигига сабаб бўлди.
74 ёшли мутахассис ўз вақтида «Брешия», «Интер», «Галатасарой», «Бешиктош» ва «Зенит» каби номдор клубларда ишлаган. Шунингдек, Мирча Руминия ва Туркия терма жамоаларини ҳам бошқарган.
«Динамо» 2019/20 йилги мавсум якунларига кўра чемпионатда 2-ўринни олди ва Украина Кубогини қўлга киритди. Аввалроқ клуб бош мураббийи Алексей Михайличенко ва унинг штаби истеъфога чиқарилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)