Футбол бўйича Россия Премьер Лигасининг 2020/21 йилги мавсуми 8—9 август кунлари бошланади. Бу ҳақда Премьер Лига матбуот хизматида хабар берилди.
Мамлакат Суперкубоги ўйини эса 7 август куни ЦСКА клуби уй учрашувларини ўтказадиган «ВЕБ Арена»да бўлиб ўтади.
Таъкидланишича, янги мавсумнинг якуний тақвими 24 июль куни Россия футбол иттифоқининг ижроия қўмитаси томонидан тасдиқланади.
2019/20 йилги мавсум якунларига кўра, «Зенит» чемпионликни қўлга киритди. Кучли учликдан «Локомотив» ва «Краснодар» клублари жой олган бўлса, ЦСКА ва «Ростов» мусобақани топ-5 да якунлади.
Шу тариқа ўзбекистонлик ҳужумчи Элдор Шомуродов тўп сураётган «Ростов» клуби келаси мавсумда Европа Лигаси гуруҳ босқичига чиқиш учун саралаш ўйинларида иштирок этади.
Мавзуга доир:
Изоҳ (0)