Kicker нашри Германия Бундеслигасининг 2019/20 йилги мавсуми қаҳрамонларини аниқлаш учун 270 нафар профессионал футболчилар иштирокида аноним сўровнома ўтказди.
Унга кўра, мавсумнинг энг яхши ўйинчиси сифатида «Бавария» ҳужумчиси Роберт Левандовски топилди. Польшалик футболчи бу борада «Боруссия Дортмунд» вингери Жейдон Санчони ортда қолдирди.
Мавсумнинг энг омадсиз ўйинчиси номига дортмундликларнинг яна бир аъзоси Марио Гётце лойиқ кўрилди. Гётце 30% овоз олиб, «Шальке-04» дарвозабони Александер Нюбелни (11,5%) ортда қолдирди.
Бундеслига 2019/20 йилги мавсуми лауреатлари билан танишинг:
Энг яхши ўйинчи — Роберт Левандовски («Бавария»);
Энг яхши мураббий — Ханс-Дитер Флик («Бавария»);
Энг яхши дарвозабон — Мануэль Нойер («Бавария»);
Мавсум кашфиёти — Альфонсо Дэвис («Бавария»);
Мавсум омадсизи — Марио Гётце («Боруссия Д»);
Энг омадсиз мураббий — Юрген Клинсманн («Ҳерта»).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)